Մանրամասն
Հետևել
Նորություններ Նորություններ
Նոր նամականիշ՝ նվիրված «Միջազգային. Եվրոպա 2019. Ազգային թռչուններ» թեմային

Նոր նամականիշ՝ նվիրված «Միջազգային. Եվրոպա 2019. Ազգային թռչուններ» թեմային

2019 թվականի մայիսի 21-ին շրջանառության մեջ է դրվում մեկ նամականիշ՝ նվիրված «Միջազգային. Եվրոպա 2019. Ազգային թռչուններ» թեմային:


Նամականիշը թողարկվել է Եվրոպայի փոստային օպերատորների ասոցիացիայի (ՓոստԵվրոպա) անդամ-երկրների «EUROPA» ամենամյա միջազգային համատեղ թողարկման շրջանակներում: «EUROPA» նամականիշերը միտված են Եվրոպայի փոստային օպերատորների սերտ համագործակցությանը՝ հաշվի առնելով ֆիլատելիայի խթանումը և ընդգծելով եվրոպական երկրների ընդհանուր արմատները, մշակույթը, պատմությունը և նպատակները:


Նամականիշը նաև ընդգրկված է «EUROPA» նամականիշերի ամենամյա մրցույթում, որը բաց է հանրային քվեարկության համար սույն թվականի մայիսի 9-ից մինչև սեպտեմբերի 9-ը: Հայաստանի նամականիշի օգտին հնարավոր է քվեարկել հետևյալ հղումով՝ https://www.posteurop.org/europa2019


Նամականիշի անվանական արժեքն է 350 ՀՀ դրամ: Այն տպագրված է Ֆրանսիայի “Cartor” տպագրատանը` 30 000 տպաքանակով: Նամականիշի դիզայնի հեղինակն է «ՀայՓոստ» ՓԲԸ-ի նկարիչ-դիզայներ Աշխեն (Միլա) Խանձրածյանը:


Նամականիշը ամբողջությամբ նկարազարդված է՝ ոգեշնչված հայկական մանրանկարչությամբ: Նամականիշը պատկերում է ճյուղի վրա նստած գյուղական ծիծեռնակ՝ Հայաստանի բուսական աշխարհին բնորոշ միջավայրում:


Թողարկման օրը` 21 մայիսի 2019թ.

Նկարը և դիզայնը՝ Աշխեն (Միլա) Խանձրածյան

Տպարանը` Cartor, Ֆրանսիա

Չափսերը` 24,0 x 40,0 մմ

Մեկ թերթի վրա՝ 10 հ.

Տպաքանակը՝ 30 000 հ.





«Հայփոստ» ՓԲԸ

«Հայփոստ Թրասթ Մենեջմենթ» ԲՎ