Մանրամասն
Հետևել

The Republic Square (Armenian: Հանրապետության հրապարակ Hanrapetu'tyan Hraparak) is the large central town square in Yerevan, The square was designed by architect Alexander Tamanian within the 1924 main plan of Yerevan city. 

Նորություններ Նորություններ
Նոր փոստային նամականիշ՝ նվիրված «Գորիսը` ԱՊՀ մշակութային մայրաքաղաք» թեմային

Նոր փոստային նամականիշ՝ նվիրված «Գորիսը` ԱՊՀ մշակութային մայրաքաղաք» թեմային

2018 թվականի հուլիսի 27-ին «ՀայՓոստ» ՓԲԸ-ի կողմից մարվեց և շրջանառության մեջ դրվեց մեկ նամականիշ՝ նվիրված «Գորիսը` ԱՊՀ մշակութային մայրաքաղաք» թեմային:


Փոստային նամականիշն ունի 330 դրամ անվանական արժեք: Այն տպագրված է Ֆրանսիայի “Cartor” տպագրատանը՝ 30 000 հատ տպաքանակով: Նամականիշի հեղինակն է «ՀայՓոստ» ՓԲԸ-ի դիզայներ Դավիթ Դովլաթյանը:


Նամականիշի վրա ներկայացված է 2018 թվականի ԱՊՀ մշակութային մայրաքաղաք հռչակված Գորիս քաղաքը՝ լուսանկարված բարձունքից: Նամականիշի վրա նաև տեղադրված է «Գորիսը` ԱՊՀ մշակութային մայրաքաղաք» լոգոտիպը (տարբերանշանը), որտեղ պատկերված են Գորիսի քարանձավները, կարմիր տանիքները, կամարաձև պատուհանները և զանգը, որը հանդիսանում է քաղաքի մուտքը խորհրդանշող հուշարձանի մասերից մեկը:


Նամականիշի մարումն իրականացրեցին Հայաստանի Հանրապետության տրանսպորտի, կապի և տեղեկատվական տեխնոլոգիաների փոխնախարար Արմեն Արզումանյանը, Հայաստանի Հանրապետության Մշակույթի փոխնախարար Նազենի Ղարիբյանը, Գորիսի փոխքաղաքապետ Մենուա Հովսեփյանը, «ՀայՓոստ Թրասթ Մենեջմենթի» գլխավոր տնօրեն Խուան Պաբլո Գեչիջյանը, Հայաստանի ֆիլատելիստների միության նախագահ Հովիկ Մուսայելյանը:



Թողարկման օրը` 27 հուլիսի 2018թ.

Դիզայնը՝ Դավիթ Դովլաթյան

Տպարանը` Cartor, Ֆրանսիա

Չափսերը` 40,0 x 40,0 մմ

Տպաքանակը՝ 30 000 հ.








«Հայփոստ» ՓԲԸ

«Հայփոստ Թրասթ Մենեջմենթ» ԲՎ

Ֆոտոալբոմ (4)