IFS/ STEFI համակարգը բացառապես փոստային դրամական փոխանցումների համակարգ է, որը իրականացվում է Միացյալ ազգերի կազմակերպության Համաշխարհային փոստային օպերատորների միության հովանու ներքո:

Այս համակարգով դրամական փոխանցումները տրամադրվում են միայն "ՀայՓոստ" ՓԲԸ կողմից:

"ՀայՓոստ" ՓԲԸ-ն առաջարկում է `

• Փոստային էլեկտրոնային միջազգային դրամական փոխանցումներ,
• Փոստային թղթային միջազգային դրամական փոխանցումներ,
• Փոստային էլեկտրոնային ներհանրապետական դրամական փոխանցումներ

Փոստային դրամական փոխանցումները իրականացվում են գործընկեր երկրների բոլոր փոստային սպասարկման կետերում յուրաքանչյուր երկրի ազգային դրամով (ՀՀ և ԼՂՀ տարածքում ՀՀ դրամով):

Ինչպե՞ս ուղարկել

• Այցելում եք փոստային բաժանմունք և լրացնում ԷՓ1 ձևը, որը ներառում է՝

- ուղարկողի անունը, ազգանունը կամ ձեռնարկության անվանումը

- ուղարկողի հասցեն

- փոխանցվող գումարի չափը

- ստացողի անունը, ազգանունը կամ ձեռնարկության անվանումը,

- ստացողի հասցեն ամբողջությամբ կամ ցպահանջ

• վճարում եք փոխանցվող գումարը և ծառայության սակագինը:

Եթե փոխանցվելիք գումարը կազմում է 400 000 (չորս հարյուր հազար) ՀՀ դրամ և ավելի, ապա փոստային բաժանմունքի օպերատորը հաճախորդից պահանջում է ներկայացնել անձը հաստատող փաստաթուղթ:

Ինչպե՞ս ստանալ

• փոստային բաժանմունքից փոխանցման մասին տեղեկություն ստանալու դեպքում այցելում եք փոստային բաժանմունք,
• ներկայացնում եք անձը հաստատող փաստաթուղթ /անձնագիր, նույնականացման քարտ, զինվորական գրքույկ` ժամկետային պարտադիր զինվորական ծառայության մեջ գտնվող անձանց համար /,
• ստանում եք գումարը /գումարը տրամադրելուց միջնորդավճար չի գանձվում/:

Դրամական փոխանցումները վճարվում են բացառապես փոխանցման վրա նշված անձանց կամ լիազորված անձին` նոտարական վավերացում ստացած լիազորագրի հիման վրա: Այլ պետությունում տրված լիազորագիրը պետք է հաստատված լինի ապոստիլով, եթե ՀՀ միջազգային պայմանգրերով այլ բան սահմանված չէ:

"ՀայՓոստ" ՓԲԸ պարտավոր է տրամադրել հաճախորդին յուրաքանչյուր փոխանցման կատարումը հաստատող կտրոն, որտեղ նշված է փոխանցվող գումարի չափը, ծառայության գումարի չափը և այլ մանրամասներ:
Փոստային դրամական փոխանցումներ իրականացնելիս փոխանցման տվյալների փոփոխումը, չեղյալացումը իրականացվում է անվճար` համաձայն ուղարկողի գրավոր դիմումի:

Փոստային էլեկտրոնային միջազգային դրամական փոխանցումներ
Փոստային էլեկտրոնային միջազգային դրամական փոխանցումներ իրականցնելու համար "ՀայՓոստ" ՓԲԸ-ն առաջարկում է IFS/ STEFI համակարգը:



IFS/ STEFI դրամական փոխանցումների համակարգի միջոցով հնարավոր է դրամական փոխանցումներ կատարել

• ՌԴ http://www.russianpost.ru/rp/servise/ru/home/finuslug/cybermoney_world
• Ուկրաինայի http://ukrposhta.ua/ru/perekazati/poshtovi-perekazi-za-mezh/opis
• Բելառուսի http://tarifikator.belpost.by/forms/international/transactions.php
• Մոլդովայի http://www.posta.md/en/page/311.html
• Ղազախստանի http://www.kazpost.kz/ru/tarify-4
• Ֆրանսիայի www.laposte.fr
• Ուզբեկստան http://www.pochta.uz/en/component/content/article.html?id=146
• Լիտվա http://www.post.lt/en/private/financial-services/money-orders/ordersconditions

բոլոր փոստային սպասարկման կետերում:

Յուրաքանչյուր երկրում գործող սակագներին կարող եք ծանոթանալ՝ հետևելով համապատասխան հղմանը:

ՀՀ-ից IFS/STEFI –ով արտերկիր ուղարկվող դրամական փոխանցումների սակագինը (ծառայության գումարը) կազմում է ուղարկվող գումարի 4%-ը:

IFS/ STEFI փոստային դրամական փոխանցումների համակարգի միջոցով փոխանցումը հասանելի է այն օրվանից, երբ կատարվել է տվյալ փախանցումը: Համակարգում փոխանցումը պահպանվում է մոտ մեկ ամիս:

Փոստային թղթային միջազգային դրամական փոխանցումներ
Փոստային թղթային միջազգային դրամական փոխանցումների փոխանակումը իրականացվում է հետևյալ երկրների հետ՝

Լատվիա
Էստոնիա
Լեհաստան
Բելգիա
Դանիա
Ռումինիա
Թուրքմենիա
Ղրղզստան
Վրաստան
Տաջիկստան

Փոստային թղթային միջազգային դրամական փոխանցումները իրականացնելու համար սակագինը (ծառայության գումարը) կազմում է ուղարկվող գումարի 4%-ը:

Փոստային թղթային միջազգային դրամական փոխանցումները հասանելի են փոխանցումը կատարելու 5-րդ օրվանից սկսած: Վերջինս համակարգում պահպանվում է մեկ ամիս: